Драчевски медаљони од пилешки стек – прсти да излижеш!

Рецептот и идејата за овие превкусни Драчевски медаљони од стек ги објави нашата драга членка Зорица Наумовска во нашата и ваша група НМД рецепти.

Фото и рецепт: Зорица Наумовска

Потревни состојки:

1 пилешки стек
2 јајца
2 лажици масло
1 лажица сенф
3 лажици полни брашно
½ прашок за печиво
½ лажичка куркума
сол, црн пипер по вкус

Постапка:

Стекот се сече ситно на коцки. Во посебен сад се матат јајцата, се додаваат две лажици масло, една лажица сенф и се промешува да се изедначи.

Една по една се додаваат три лажици брашно и половина кесичка прашок за печиво, половина лажичка куркума и црн пипер по вкус, па убаво се меша за да се соединат состојките.

Се додава исечканото месо, се промешува во смесата и се остава да отстои најмалку еден час во фрижидер, а најдобро е да преноќи, па следниот ден са се пржи.

На малку масло се вади со супена лажица од смесата – за еден медаљон, малку се сплескува и се пржи убаво да зарумени од двете страни, на средна температура.

Фото и рецепт: Зорица Наумовска